Yangi oʻzbek lotin alifbosi 2026: Ö, Ğ, Ş, Ç harflari va matnni oʻgirish
2026-yil 21-oktyabrda «Lotin yozuviga asoslangan oʻzbek alifbosini joriy etish toʻgʻrisidagi Oʻzbekiston Respublikasi Qonuniga oʻzgartirish kiritish haqida»gi qonun (OʻRQ-1184) qabul qilindi. Unga koʻra amaldagi 26 ta harf va 3 ta harf birikmasi (sh, ch, ng) oʻrniga 28 ta harf va 1 ta tutuq belgisi (ʼ) joriy etiladi. Asosiy oʻzgarish — ikki belgi bilan yoziladigan tovushlar endi bitta harf bilan yoziladi: Ö, Ğ, Ş, Ç.
Yangi alifboda qaysi harflar oʻzgardi
| Eski lotin | Kirill | Yangi lotin | Misol |
|---|---|---|---|
| Oʻ oʻ | Ў ў | Ö ö | oʻzbek → özbek |
| Gʻ gʻ | Ғ ғ | Ğ ğ | gʻisht → ğişt |
| Sh sh | Ш ш | Ş ş | shahar → şahar |
| Ch ch | Ч ч | Ç ç | choy → çoy |
- ng endi alifboda alohida birlik hisoblanmaydi.
- Tutuq belgisi (ʼ) harf emas, alohida belgi sifatida saqlanadi: maʼno, sanʼat, eʼlon.
Misol: bitta matn uch xil yozuvda
| Kirill | Eski lotin | Yangi lotin |
|---|---|---|
| Ўзбекистон | Oʻzbekiston | Özbekiston |
| шаҳар | shahar | şahar |
| чой | choy | çoy |
| ғишт | gʻisht | ğişt |
| Тошкент — чиройли шаҳар | Toshkent — chiroyli shahar | Toşkent — çiroyli şahar |
Yangi alifbo qachon kuchga kiradi
Qonun rasmiy eʼlon qilinganidan olti oy oʻtib kuchga kiradi. Eski alifboda yozilgan hujjatlar amal qilishda davom etadi.
Matnni yangi lotin alifbosiga qanday oʻgirish mumkin
Parsing.uz yangi alifboni qoʻllab-quvvatlaydi. Kirill yoki eski lotin yozuvidagi matn va fayllarni bir necha soniyada yangi lotinga oʻgirish mumkin:
- Sahifada «Lotin (yangi)» rejimini tanlang.
- Matnni maydonga yozing yoki joylashtiring — kirill yoki eski lotin yozuvi avtomatik aniqlanadi.
- Fayl boʻlsa, Word, Excel, PowerPoint, PDF yoki TXT faylni yuklang va «Lotin (yangi)»ni tanlang.
Yangi lotindagi matnni kirillga ham qaytarish mumkin. Ekran klaviaturasida Ö, Ğ, Ş, Ç va ʼ tugmalari bor: bu harflarni oddiy klaviaturada qanday terishni bilmasangiz, shu tugmalarni bosing.
Telegram bot orqali
@kirill_lotin_file_bot botiga matn yuboring: bot odatdagi tarjimadan tashqari yangi lotindagi variantini ham alohida xabarda yuboradi. Fayl yuborsangiz, «Yangi lotinga (2026)» tugmasini tanlang.
Avtomatik oʻgirishda eʼtibor bering
- Havolalar va e-mail manzillar oʻzgartirilmaydi: shop.uz «şop.uz»ga aylanmaydi.
- Ism-familiyalar va atoqli otlarni oʻgirgandan keyin koʻzdan kechirib chiqing.
Koʻp beriladigan savollar
Yangi alifboda nechta harf bor?
28 ta harf va 1 ta tutuq belgisi (ʼ).
Eski alifbodagi hujjatlar haqiqiymi?
Ha, eski alifboda yozilgan hujjatlar amal qilishda davom etadi.
Mavzuga oid: Kirill va lotin alifbosi: toʻliq jadval va farqlar · Oʻzbek lotin alifbosida harflar va tovushlar soni
Matn yoki faylni kirill ↔ lotin o'girish kerakmi?
Konvertorni ochish